corona: देश म पिछिले 24 घंटा म सामने आय हे कोरोना के 14933 नवा मामले, 312 लोगन मन के होइस मौत
जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। देश म कोरोना के कुल संख्या ह 4 लाख 40 हजार ले जियादा हो गे हे।
पिछिले 24 घंटा म 14933 नवा मामले के पहचान होय हे। जबकि 312 लोगन मन के मौत हो गे हे। ऊहचे ए दौरान करीब 11 हजार लोगन मन ह कोरोना ले जंग जीत गे हे।
केन्द्रीय स्वास्थ्य अऊ परिवार कल्याण मंत्रालय के तरफ ले जारी आंकड़ा के मुताबिक देश म कोराना (corona) के कुल संक्रमित मन के संख्या ह 4 लाख 40 हजार 215 हो गे हे। जबकि सक्रिय मरीज मन के संख्या ह 1 लाख 78 हजार 14 हे।
ऊहचे 2 लाख 48 हजार 190 लोगन मन ल कोरोना ले जंग जीत के अपन घर लहुट चुके हे। ए वायरस ले अब तक 14011 लोगन मन के जान चले गे हे।
कोरोना महामारी ले सबले जियादा प्रभावित महराष्ट्र म पिछिले 24 घंटा म कोरोना (corona) संक्रमण के 3721 मामले दर्ज करे गे हे अऊ 113 लोगन मन के जान चले गे हे।
ए राज्य म संक्रमित मन के संख्या ह 1 लाख 35 हजार 796 हो गे हे। जबकि ए वायरस ले 6283 लोगन मन के मौत हो गे हे। ऊहचे ए राज्य म 76706 लोगन मन ह स्वस्थ हो गे हे।
