प्रदेश म मिलिस कोरोना के अऊ 15 मरीज, कुल संक्रमण के संख्या ह बाढ़ के होइस 307

जय जोहार…. छत्तीसगढ़ म कोरोना ले जुड़े बड़का खबर सामने आवत हे। छत्तीसगढ़ म फेर अऊ 15 नवा कोरोना संक्रमित मरीज मिले हे। एखर संग छत्तीसगढ़ म कुल कोरोना संक्रमण के संख्या ह 300 ले जियादा पहुंच गे हे।

अभी राजनांदगांव म 12, बेमेतरा म 2 अऊ देर रात रायगढ़ म एक कोरोना संक्रमित मरीज के पहचान होय हे।  प्रदेश म कुल कोरोना के एक्टिव मामले ह बाढ़ के 235 हो गे हे। ऊहचे प्रदेश म कुल कोरोना संक्रमण के मामले ह फेर बाढ़ के 307 हो गे हे। जेमा ले 72 लोगन मन ह स्वस्थ होके अपन घर लहुट चुके हे।

बता देन कि सोमवार के राजधानी रायपुर म घलो कोरोना के एक पाजिटिव केस मिले हे। एति मुंगेली म 30 नवा मरीज के पहचान होय हे। ऊहचे कांकेर म तीन, धमतरी म 2, बिलासपुर, बलरामपुर, राजनांदगांव अऊ कोरिया म एक-एक मरीज ह मिले हे।