corona : प्रदेस म होय हे कोरोना के 15 नवा मरीज के पहिचान, रईपुर म घलो 2 पाजिटिव

जय जोहार… (corona) प्रदेस म बुधवार के कोरोना के 15 नवा मरीज के पहिचान होय हे। उहें 25 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 3, रईपुर ले 2, बिलासपुर ले 3, कोरबा ले 3, जशपुर ले 1, दंतेवाड़ा ले 1, सुकमा ले 1 अउ कांकेर ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 440 हो गे हे, जेमा ले 210 एक्टिव मामला हे। उहें 9 लाख 91 हजार 662 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13568 मरीज के जान चले गे हे।