corona : प्रदेस म 24 घंटा म सामने आय हे कोरोना के 15 नवा मामला, पढ़व

जय जोहार… (corona) प्रदेस म बीते 24 घंटा म कोरोना के 15 नवा मरीज सामने आय हे। उहें 52 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।

बता देन कि प्रदेस म कोरोना (corona) संक्रमित मरीज मन के संख्या 11 लाख 51 हजार 799 होगे हे, जेमा ले 337 एक्टिव मामला हे। उहें 11 लाख 37 हजार 428 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14034 मरीज के मउत हो गेहे।

प्रदेस म जेन कोरोना (corona) के नवा मरीज मिले हे, ओमा दुर्ग ले 1, बिलासपुर ले 1, सरगुजा ले 2, सूरजपुर ले 5, बलरामपुर ले 1, जशपुर ले 4, कांकेर ले 1 नवा मरीज सामिल हे।