corona : प्रदेस म आज होय हे कोरोना के 15 नवा मरीज के पहिचान, पढ़व
जय जोहार… (corona) प्रदेस म आज कोरोना के 15 नवा मरीज के पहिचान होय हे। उहें 26 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 1, बलौदाबाजार ले 2, बिलासपुर ले 2, कोरबा ले 2, जांजगीर-चांपा ले 2, मुंगेली ले 1, जशपुर ले 1, कोंडागांव ले 1, दंतेवाड़ा ले 3 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 402 हो गे हे, जेमा ले 254 एक्टिव मामला हे। उहें 9 लाख 91 हजार 582 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13566 मरीज के जान चले गे हे।
