corona: धमतरी जिला म फेर होय हे कोरोना के 15 नवा मरीज के पहचान

जय जोहार…. धमतरी जिला म कोरोना (corona) संक्रमित मरीज मन के संख्या ह कम होय के नाम नई लेवत हे। जिला में आज कोरोना के 15 नवा मरीज मिले हे। एखर पुष्टि ल सीएमएचओ ह करे हे।

जिला मुख्य स्वास्थ्य अऊ चिकित्सा अधिकारी डॉ डीके तुर्रे ह बताइस कि आज जेन कोरोना (corona) के नवा मरीज मिले हे, ओमा ले धमतरी शहर ले 7, कुरुद ब्लाक ले 6, गुजरा विकासखंड के ग्राम मुजगहन अऊ मगरलोड ले 1-1 मरीज शामिल हे। आज मिले सबो संक्रमित मन ल धमतरी के कोविड अस्पताल म भर्ती करे जाही।

बता देन कि धमतरी जिला म कोरोना (corona) संक्रमित मरीज मन के संख्या ह बाढ़ के 208 हो गे हे। जेमा 92 एक्टिव मामला है, जेखर कोविड अस्पताल म इलाज चलत हे।