रायपुर । राजधानी म प्रदेसभर के कोटवार मन अपन काम बंद करके आंदोलन करत हे। असल म कोटवार एसोसिएसन ऑफ छत्तीसगढ़ के आव्हान म प्रदेसभर के 15 हजार कोटवार काम बंद करके आंदोलन करत हे।29 अऊ 30 जून के तहसील म धरना करे के बाद अब कोटवार रायपुर म दू दिवसीय आंदोलन करत हे। कोटवार मन करे आरोप हे कि राज्य के जम्मो योजना के क्रियान्वयन बर जवाबदारी दे जात हे। फेर जब सुविधा के बात आथे त हमर संग सौतेला ब्यवहार करे जाथे। कइ बछर ले अपन मांग ल लेके बिरोध करे के बाद घलो हमर अनदेखी करे जात हे।
