दुर्ग। प्रदेस के तीसर बड़ पार्टी बनके उभरत जेसीसीजे म कारयकरता मन के बीच चुनाइ ले पहिली अंतरकलह क बात आघू आवते हे। अंतरकलह के चलत प्रदेस महासचिव समेत 150 लोग न ह पार्टी ले इस्तीफा दे दिस हे। उमन ह जेसीसीजे चीफ अजीत जोगी ल अपन इस्तीफा सउपिस हे ।
बताय जात हे दुर्ग सहर युवा विंग अध्यक्ष विवेक मिश्रा के जगा म दूसर के नियुक्ति करे ले पार्टी कारय करता नाराज हे अउ येखरे चलत उमन ह पार्टी ले इस्तीफा देय के फइसला लिस हे। कारयकरता मन ह प्रदेस महासचिव प्रकाश देशलहरा के नेतृत्व म जेसीसीजे चीफ अजीत जोगी ल अपन इस्तीफा सउपिन। जोगी ह अभु इन कारयकरता मन के इस्तीफा ल मंजूर नइ करे हे, उमन ह विचार करे बर दूदिन के समय मांगिस हे।
