corona: छत्तीसगढ़ म फेर कोरोना के 150 नवा मरीज मन के होइस पुष्टि, राजधानी म सबले जादा 96 संक्रमित

जय जोहार…. छत्तीसगढ़ म कोरोना (corona) संक्रमण के मामले ह कम होय के नाम नई लेवत हे। राज्य म इतवार के दिन भर म 150 नवा मरीज के पहचान होय हे।

वहीं 83 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। स्वास्थ्य विभाग के अनुसार आज जेन कोरोना (corona) के नवा मरीज मिले हे,

ओमा रायपुर ले 96, जांजगीर-चांपा ले 17, कांकेर ले 9, बालोद, बिलासपुर, कोरिया, बस्तर अउ नारायणपुर ले 3-3, धमतरी ले 2 ,दुर्ग, गरियाबन्द, कबीरधाम, बलौदाबाजार, रायगढ़, बलरामपुर ले एक-एक मरीज शामिल हे।
ऊहचे एक कोरोना (corona) संक्रमित के मौत हो गे हे। रायपुर के मेकाहारा हास्पिटल म भर्ती मरीज ल कोनो आन बीमारी के सती अस्पताल म भर्ती कराय गे रिहिस।

जिहां डॉक्टर मन ह ऐहितियातन ओखर कोरोना जांच कराय रिहिस, जेमा ओखर रिपोर्ट ह पाजिटिव आय रिहिस।
बता देन कि प्रदेश म कोरोना संक्रमित मरीज मन के कुल संख्या ह 4081 पहुंच गे हे,

जेमा ले एक्टिव मामले ह 909 हो गे हे। ऊहचे 3153 मरीज ह बने होय के बाद अपन घर लहुट चुके हे। ए वायरस ले राज्य म अब तक 19 लोगन मन के मौत हो गे हे।