chhattisgarh स्टेट पावर कंपनी म 1500 लाइन परिचारक मन के होही भर्ती, दसवीं पास ल मिलही नौकरी के मउका

जय जोहार…. छत्तीसगढ़ (chhattisgarh ) स्टेट पावर कंपनी डहार ले परिचारक (लाइन) के पद म सीधा भर्ती बर ऑनलाइन आवेदन मंगाए गेहे। मैदानी अमला के रूप म 1500 पद म सीधा भर्ती करे जाहि। एमा छत्तीसगढ़ के मूल निवासी मन ल नौकरी मिलहि।

सीधा भर्ती बर कक्षा दसवीं पास अभ्यर्थी ह आवेदन कर सकही । आवेदन 21 अगस्त ले 20 सितंबर 2021 तक जमा करे जा सकही। छत्तीसगढ़ (chhattisgarh ) स्टेट पॉवर कंपनी के चेयरमेन अंकित आनंद ह बताइन कि छत्तीसगढ़ डिस्ट्रीब्यूशन कंपनी म 1500 परिचारक के भर्ती होही।

ए पद म भर्ती ले जिहां एक ओर स्थानीय निवासी मन ल नौकरी मिल सकही, उन्हें विद्युत संबंधी काम बर मैदानी स्तर पर अमला तैयार होही। एखर ले उपभोक्ता मन ल गुणवत्तापूर्ण बिजली आपूर्ति के संग ओखर समस्या के निराकरण म आसानी होही।

छत्तीसगढ़ स्टेट पॉवर कंपनी के चेयरमेन अंकित आनंद ह बताइन कि बस्तर अउ सरगुजा क्षेत्र के विद्युत कार्यालय बर होवइया भर्ती म उहां के मूल निवासी ही आवेदन कर सकही। (chhattisgarh ) एखर ले आदिवासी अंचल के युवा मन ल सरकारी नौकरी मिल सकही। उहें सबो जिला के विद्युत कार्यालय म होवइया भर्ती बर पूरा प्रदेस के अभ्यर्थी ह आवेदन कर सकही।