corona : देस म बीते 24 घंटा म सामने आय हे कोरोना के 15054 नवा मरीज

जय जोहार। (corona ) देस म बीते 24 घंटा म कोरोना के 15000 ले जादा नवा मरीज सामने आय हे। उहें 13485 मरीज ल बने होय के बाद अस्पताल ले डिस्चार्ज कर दे गेहे। जबकि इलाज के दउरान 16 मरीज के मउत हो गेहे।

केंद्रीय स्वास्थ्य मंत्रालय ले जारी आकड़ा के मुताबिक देस म 24 घंटा म कोरोना (corona ) के 15054 नवा मरीज मिले हे। एला मिलाके देस म कोरोना संक्रामित मन के संख्या 4 करोड़ 33 लाख ले जादा हो गेहे। जेमा ले 92724 एक्टिव मामला हे।

उहें (corona ) 4 करोड़ 26 लाख ले जादा मरीज ह कोरोना ल मात दे देहे, जेखर बाद ओमन ल अस्पताल ले छुट्टी दे दे गेहे। ए वायरस ले देस म अब तक 5 लाख 24 हजार ले जादा मनखे मन के मउत हो गेहे ।