Corona: प्रदेश म आज सामने आय हे कोरोना के 15084 नवा मामला, रायपुर म घलो 1394 पाजिटिव
जय जोहार…. छत्तीसगढ़ म कोरोना (Corona) संक्रमित मन के संख्या ह सरलघा बाढ़त जावत हे। प्रदेश म आज कोरोना के 15084 नवा मरीज के पहचान होय हे। उहचे 14977 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 215 मरीज मन के मौत हो गे हे।
आज जेन कोरोना (Corona) के नवा मरीज मिले हे, ओमा आज रायपुर ले 1394, बिलासपुर ले 1296, दुर्ग ले 1183, रायगढ़ ले 1085, कोरबा ले 1036, जांजगीर-चांपा ले 893, बलौदाबाजार ले 880, राजनांदगांव ले 789, सरगुजा ले 582, कबीरधाम ले 559, कांकेर ले 518, मुंगेली ले 501, महासमुंद ले 491, बालोद ले 456, जशपुर ले 452, धमतरी ले 423, कोरिया ले 418, सूरजपुर ले 395, बेमेतरा ले 357, बलरामपुर ले 345, गरियाबंद ले 340, बस्तर ले 213, कोंडागांव ले 153, गौरेला-पेंड्रा-मरवाही ले 153, दंतेवाड़ा ले 94, सुकमा ले 35, नारायणपुर ले 33, बीजापुर ले 13 मरीज शामिल हैं।
बता देन कि प्रदेश म कोरोना (Corona) संक्रमित मन के संख्या ह 6 लाख 67 हजार 446 हो गे हे। जेमा ले 1 लाख 21 हजार 352 एक्टिव मामला हे। उहचे 5 लाख 38 हजार 558 मरीज मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 7536 मरीज मन के मौत हो गे हे।
