Corona: छत्तीसगढ़ म आज सामने आय हे कोरोना के 15804 नवा मामला, रायपुर म घलो 1414 पाजिटिव
जय जोहार…. छत्तीसगढ़ म कोरोना (Corona) संक्रमण के मामला ह सरलघा बाढ़त जावत हे। प्रदेश म गुरुवार के कोरोना के 15804 नवा मरीज सामने आय हे। उहचे 15003 मरीज मन ह कोरोना ले जंग जीत गे हे, जेखर बाद ओमन ल अस्पताल ले छुट्टी दे दे गे हे। जबकि उपचार के दौरान 191 मरीज मन के जान चले गे हे।
आज कोरोना (Corona) के जेन नवा मरीज मिल हे, ओमा दुर्ग ले 1496, रायपुर ले 1414, बिलासपुर ले 1337, रायगढ़ ले 1196, कोरबा ले 1043, जांजगीर-चांपा ले 1043, बलौदाबाजार ले 840, मुंगेली ले 758, राजनांदगांव ले 720, महासमुंद ले 585, कबीरधाम ले 512, सरगुजा ले 499, सरगुजा ले 477, जशपुर ले 470, कांकेर ले 421, गरियाबंद ले 417, कोरिया ले 411, धमतरी ले 391, बालोद ले 385, बलरामपुर ले 365, बेमेतरा ले 249, गौरेला-पेंड्रा-मरवाही ले 209, कोंडगांव ले 195, बस्तर ले 193, दंतवाड़ा ले 78, सुकमा ले 52, बीजापुर ले 24, नारायणपुर ले 22 मरीज सामिल हे।
बता देन कि प्रदेश म कोरोना (Corona) संक्रमित मन के संख्या ह 7 लाख 13 हजार 706 हो गे हे। जेमा ले 1 लाख 17 हजार 910 एक्टिव मामला हे। उहचे 5 लाख 87 हजार 484 मरीज मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 8312 मौत हो गे हे।
