corona: सरलघा बाढ़त जावत हे कोरोना मामला, प्रदेश म बीते 24 घंटा म सामने आय हे 1513 नवा मरीज, 11 लोगन मन के हो गे मौत
जय जोहार…. छत्तीसगढ़ म सनिच्चर देर रात कोरोना (corona) के 356 नवा मरीज मिले हे। एला मिला के सनिच्चर के कोरोना के कुल 1513 नवा मरीज ह सामने आय हे।
उहचे 709 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 11 लोगन मन के मौत हो गे हे।
देर रात जेन कोरोना (corona) के नवा मरीज मिले हे, ओमा रायपुर ले 229, मुंगेली ले 23, रायगढ़ ले 21, बेमेतरा ले 18, कोरबा ले 15, सरगुजा ले 9, बलरामपुर ले 8, महासमुंद ले 6, बलौदाबाजार ले 2, जशपुर अऊ कांकेर 1-1 मरीज शामिल हे।
एखर पहिले सनिच्चर देर शाम रायपुर ले 401, दुर्ग ले 172, राजनांदगांव अऊ बिलासपुर ले 66-66, बस्तर ले 59, धमतरी ले 44, सुकमा ले 43, जांजगीर ले 41, रायगढ़ ले 40, महासमुंद अऊ कांकेर ले 27-27, नारायणपुर ले 23, कवर्धा अऊ बीजापुर ले 21, गरियाबंद ले 18, बालोद अऊ कोरिया ले 15-15, बलौदाबाजार ले 14, सरगुजा ले 9, बेमेतरा ले 8, मुंगेली अऊ जशपुर ले 7-7, कोरबा अऊ दंतेवाड़ा ले 4-4, सूरजपुर ले 3 अऊ कोण्डागांव ले 2 मरीज मिले हे।
बता दन कि प्रदेश म कोरोना (corona) संक्रमित मन के कुल संख्या ह बाढ़ के 28746 पहुंच गे हे। जेमा ले 12666 एक्टिव मामला हे। उहचे 15818 लोगन मन ह कोरोना ल मात दे दे हे,जेखर बाद ओ मन ल डिस्चार्ज कर दे गे हे। ए वायरस ले प्रदेश म अब तक 262 लोगन मन के मौत हो गे हे।
