Corona: प्रदेश म पिछिले 24 घंटा म सामने आय हे 1525 नवा मरीज, रायपुर म घलो 349 पाजिटिव
जय जोहार…. (Corona) छत्तीसगढ़ म बीते 24 घंटा म कोरोना के 1525 नवा मरीज मिले हे। उहचे 527 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 10 मरीज के मौत हो गे हे।
पिछिले 24 घंटा म कोरोना (Corona) के जेन नवा मामला मिले हे, ओमा दुर्ग ले 468, रायपुर ले 349, राजनांदगांव ले 115, बिलासपुर ले 85, सरगुजा ले 63, जशपुर अऊ बेमेतरा ले 53-53, कोरिया ले 51, कोरबा ले 44, महासमुंद ले 39, सूरजपुर ले 24, कबीरधाम अऊ कांकेर ले 22-22, बलौदाबाजार ले 21, बालोद ले 20, जांजगीर-चांपा ले 19, रायगढ़ ले 18, धमतरी ले 16, गरियाबंद ले 10, बस्तर ले 8, मुंगेली अऊ बीजापुर ले 5-5, दंतेवाड़ा अऊ बलरामपुर ले 4-4, गौरेला-पेंड्रा-मरवाही ले 3 मरीज सामिल हे।
बता देन कि प्रदेश म कोरोना (Corona) संक्रमित मन के संख्या ह 3 लाख 25 हजार 678 हो गे हे। जेमा ले 9205 एक्टिव मामला हे। उहचे 3 लाख 12 हजार 511 संक्रमित ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 3962 मरीज के मौत हो गे हे।
