Corona: प्रदेश म आज मिले हे कोरोना के 15256 नवा मरीज, रायपुर म घलो 3438 पाजिटिव, पढ़व पूरा खबर

जय जोहार…. (Corona) प्रदेश म आज कोरोना के 15256 नवा मरीज सामने आय हे। उहचे 9643 संक्रमित मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि उपचार के दौरान 105 मरीज के मौत हो गे हे।

आज जेन कोरोना (Corona) के नवा मरीज मिले हे, ओमा रायपुर ले 3438, दुर्ग ले 1778, राजनांदगांव ले 1319, बालोद ले 199, बेमेतरा ले 293, कबीरधाम ले 425, धमतरी ले 411, बलौदाबाजार ले 616, महासमुंद ले 339, गरियाबंद ले 795, बिलासपुर ले 1139, रायगढ़ ले 710, कोरबा ले 896, जांजगीर-चांपा ले 690, मुंगेली ले 288, गौरेला-पेंड्रा-मरवाही ले 206, सरगुजा ले 231, कोरिया ले 227, सूरजपुर ले 375, बलरामपुर ले 150, जशपुर ले 284, बस्तर ले 133, कोंडागांव ले 52, दंतेवाड़ा ले 43, सुकमा ले 17, कांकेर ले 170, नारायणपुर ले 16, बीजापुर ले 18 मरीज सामिल हे।

बता देन कि प्रदेश म कोरोना (Corona) संक्रमण के मामला ह 5 लाख 01 हजार 500 हो गे हे। जेमा ले 1 लाख 21 हजार 769 एक्टिव मामला हे। उहचे 3 लाख 74 हजार 289 मरीज मन ल बने होय के बाद अस्पताल ले छुट्‌टी दे दे गे हे। ए वायरस ले प्रदेश म अब तक 5442 मरीज के मौत हो गे हे।