Corona: प्रदेश म कोरोना क 154 नवा मरीज मन के होइस पहचान, राजधानी ले सबले जादा 77 संक्रमित

जय जोहार…. छत्तीसगढ़ म कोरोना (corona) संक्रमित मरीज मन के संख्या ह थमे के नाम नई लेवत हे। प्रदेश म बुधवार के कोरोना संक्रमित 154 नवा मरीज मिले हे।

उहचे 49 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे।
प्रदेश मे आज जेन कोरोना (corona) के नवा मरीज ह मिले हे,

ओमा रायपुर ले 77, नारायणपुर ले 19, बिलासपुर ले 11, सरगुजा ले 10, जांजगीर-चांपा, कोण्डागांव अउ दंतेवाड़ा ले 6-6, दुर्ग अउ कांकेर ले 3-3, राजनांदगांव, बेमेतरा, धमतरी अउ गरियाबन्द ले 2-2, बालोद, बलौदाबाजार, कोरबा, कोरिया अउ सुकमा ले एक-एक मरीज शामिल हे।

सब्बो नवा संक्रमित मरीज मन ल अस्पताल म भर्ती करे के प्रक्रिया ह चलत हे। बता देन कि प्रदेश म कोरोना (corona) संक्रमित मरीज मन के कुल संख्या ह 4556 पहुंच गे हे।

जेमा ले एक्टिव मरीज ह 1212 हो गे हे। ऊहचे 3324 लोगन मन ह बने होय के बाद अपन घर लहुट चुके हे। ए वायरस ले प्रदेश म अब तक 20 लोगन मन के जान चले गे हे।