Corona: प्रदेश म बीते 24 घंटा म सामने आय हे 1543 नवा मरीज, राजधानी म घलो 116 पाजिटिव

जय जोहार….. राज्य म पिछिले 24 घंटा म कोरोना (Corona) के 1543 नवा मरीज मन के पहचान होय हे। उहचे 192 मरीज मन ल अस्पताल अऊ 1321 ल होम आइसोलेशन ले डिस्चार्ज कर दे गे हे। जबकि इलाज के दौरान 11 लोगन मन के मौत हो गे हे।

रविवार के जेन कोरोना (corona) के नवा मरीज मिले हे, ओमा रायगढ़ ले 264, जांजगीर-चांपा ले 152, कोरबा ले 133, रायपुर ले 116, बिलासपुर ले 108, दुर्ग ले 46, राजनांदगांव ले 52, बालोद ले 73, बेमेतरा ले 64, कबीरधाम ले 24, धमतरी ले 52, बलौदाबाजार ले 35, महासमुंद ले 21, गरियाबंद ले 39, मुंगेली ले 36, सरगुजा ले 53, कोरिया ले 24, सूरजपुर ले 21 नवा मरीज शामिल हे।

बता देन कि प्रदेश म कोरोना (Corona) संक्रमित मन के संख्या ह 1 लाख 83 हजार 813 पहुंच गे हे। जेमा ले 22 हजार 126 एक्टिव मामला हे। उहचे 1 लाख 64 हजार 523 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस से प्रदेश म अब तक 2150 लोगन मन के मौत हो गे हे।