जय जोहार…. प्रदेश म मंगलवार के कोरोना (Corona) के 15785 नवा मामला के पहचान होय हे। उहचे 11308 मरीज मन ल बने होय के बाद अस्पताल ले छुट्टी दे दे गे हे। जबकि उपचार के दौरान 210 मरीज मन के मौत हो गे हे।
आज जेन कोरोना (Corona) के नवा मरीज मिले हे, ओमा जांजगीर-चांपा ले 1283, बिलासपुर ले 1223, रायगढ़ ले 1220, कोरबा ले 1206, रायपुर ले 1008, दुर्ग ले 899, बलौदाबाजार ले 733, सरगुजा ले 697, जशपुर ले 633, राजनांदगांव ले 626, मुंगेली ले 615, धमतरी ले 580, कांकेर ले 551, महासमुंद ले 554, सूरजपुर ले 522, कोरिया ले 511, कबीरधाम ले 463, बालोद ले 454, बलरामपुर ले 451, कोंडागांव ले 302, गौरेला-पेंड्रा-मरवाही ले 299, गरियाबंद ले 298, बेमेतरा ले 260, बस्तर ले 195, दंतेवाड़ा ले 76, सुकमा ले 45, बीजापुर ले 41, नारायणपुर ले 38 मरीज सामिल हे।
बता देन कि प्रदेश म कोरोना (Corona) संक्रमित मन के संख्या ह 7 लाख 87 हजार 486 हो गे हे। जेमा ले 1 लाख 24 हजार 459 एक्टिव मामला हे। उहचे 6 लाख 53 हजार 542 मरीज मन ह कोरोना ले जंग जीत गे हे, जेखऱ् बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 9485 मरीज मन ह दम तोड़ दे हे।
