छत्तीसगढ़ के ए जिला म मिलिस 16 नवा कोरोना संक्रमित मरीज, सक्रिय केस होइस 26

जय जोहार…. छत्तीसगढ़ म कोरोना ले जुड़े एक बड़का खबर सामने आवत हे। प्रदेश के कोरिया जिला म कोरोना संक्रमित 16 नवा मरीज के पहचान होय हे। एखर संग जिला म अब कोरोना संक्रमित मरीज मन के संख्या ह 26 हो गे हे।

चिरमिरी म आज जेन नवा मरीजे मिले हे, ओमा डोमनहिल ले 8, गोदरीपारा ले एक, सोनामनी ले 2, बड़ीबाजार ले एक, हल्दीबाड़ी ले 3 अऊ पोड़ी ले एक मरीज शामिल हे। कुछु दिन पहिले सब्बो के स्वाब जांच बर भेजे गे रहिस। आज सब्बो के रिपार्ट ह पाजिटिव आय हे। 16 नवा मरीज के संग ही जिला म 26 सक्रिय केस हो गे हे।