जय जोहार…. छत्तीसगढ़ म कोरोना (corona) ले जुड़े एक बड़का खबर सामने आवत हे। प्रदेश के तीन जिला म कोरोना संक्रमित 16 अऊ नवा मरीज मिले हे। आज कोरोना ह बेमेतरा जिला म घलो दस्तक दे दे हे। प्रदेश म अब कुल एक्टिव मरीज मन के संख्या ह बाढ़ के 89 हो गे हे। 16 नवा मरीज म ले कोरबा ले 13 मरीज हे। ऊहचे बेमेतरा ले एक अऊ दू मरीज ह कांकेर के रहवइया हे।
जानकारी के मुताबिक सब्बो प्रवासी मजदूर हे, जेन ह हाल म दूसर प्रदेश ले आय रहिस। सब्बो मजदूर मन ल क्वारेंटाइन कर के रखे गे रहिस। सब्बो के अलग-अलग लैब म आरटीपीसीआर टेस्ट बर भेजे गे रहिस। प्रदेश म पिछले तीन दिन ले सरलघा कोरोना (corona) संक्रमित मरीज मन के संख्या ह बाढ़त हे।
गौरतलब हे कि बीते गुरुवार के राजनांदगांव म चार, जांजगीर-चांपा म तीन, बिलासपुर म दो अऊ राजधानी रायपुर, बालोद, कांकेर, अंबिकापुर म एक-एक मरीज मिले हे। एति राजधानी रायपुर म 17 दिन बाद कोरोना संक्रमित मरीज ह मिले हे। अब रायपुर म कोरोना (corona) के आठ मरीज हो गे हे। गुरुवार के सड्डू बीएसयूपी कालोनी म एक युवक ह कोरोना पाजिटिव मिले रहिस।
