Corona: प्रदेश म बीते 24 घंटा म सामने आय हे 1605 नवा मामला, राजधानी म घलो 292 पाजिटिव
जय जोहार…. (corona) छत्तीसगढ़ म पिछिले 24 घंटा म कोरोना के 1605 नवा मरीज के पहचान होय हे। उहचे 2108 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 16 लोगन मन के मौत हो गे हे।
बीते 24 घंटा म कोरोना (corona) के जेन नवा मामला मिले हे, ओमा रायपुर ले 292, राजनांदगांव ले 143, रायगढ़ ले 133, कोरबा ले 132, जांजगीर-चांपा ले 126, दुर्ग ले 114, बिलासपुर ले 75, बालोद ले 69, धमतरी ले 68, महासमुंद ले 62, सूरजपुर ले 53, सरगुजा ले 44, बलौदाबाजार ले 41, बलरामपुर ले 35, कोंडागांव ले 32, बेमेतरा ले 29, जशपुर ले 27 मरीज शामिल हे।
बता देन कि प्रदेश में कोरोना (corona) संक्रमण के मामला ह बाढ़ के 2 लाख 60 हजार 240 हो गे हे। जेमा ले 17 हजार 637 एक्टिव मामला हे। उहचे 2 लाख 39 हजार 468 मरीज मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 3135 लोगन मन के मौत हो गे हे।
