Corona: देश म पिछिले 24 घंटा म होय हे 16 हजार ले जादा नवा मरीज के पहचान, पढो पूरा खबर

जय जोहार…. (corona) देश म बीते 24 घंटा म कोरोना के 16 हजार ले जादा नवा मरीज सामने आय हे। उहचे 24900 मरीज मन ल स्वस्थ होय के बाद अस्पताल ले छुट्‌टी दे दे गे हे। जबकि इलाज के दौरान 252 संक्रमित के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (corona) के 16 हजार 432 नवा मामला मिले हे, एला मिला कोरोना संक्रमण के मामला ह बाढ़ के 1 करोड़ 2 लाख 24 हजार 303 हो गे हे। जेमा ले 2 लाख 68 हजार 581 एक्टिव मामला हे।

उहचे 97 लाख 07 हजार 569 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 48 हजार 151 लोगन मन के मौत हो गे हे।