Corona: नई थमत हे कोरोना संक्रमण, प्रदेश म मिले हे कोरोना के 1688 नवा मरीज, 19 लोगन मन के हो गे मौत
जय जोहार…. छत्तीसगढ़ म कोरोना (Corona) संक्रमित मरीज मन के संख्या ह कम होय के नाम नई लेवत हे। आज रात 8.30 बजे तक प्रदेश म कोरोना के 1688 नवा मामला सामने आय हे।
उहचे 658 मरीज मन ल स्वस्थ होय के बाद अस्पताल ले छुट्टी दे दे गे हे। जबकि इलाज के दौरान 19 लोगन मन के मौत हो गे हे।
आज जेन कोरोना (Corona) के नवा मरीज मिले हे, ओमा रायपुर ले 567, बिलासपुर ले 268, दुर्ग ले 165, कबीरधाम अऊ रायगढ़ ले 82-82, बालोद ले 78, जांजगीर-चांपा ले 72, राजनांदगांव ले 70, जशपुर ले 45, धमतरी ले 38, सरगुजा ले 35, महासमुंद ले 34, गरियाबंद अऊ नारायणपुर ले 24-24, बस्तर ले 23, कोण्डागांव ले 19, बलरामपुर ले 14, बेमेतरा अऊ कोरबा ले 12-12, कोरिया ले 9, बीजापुर ले 8, बलौदाबाजार ले 3 अऊ आन राज्य ले 4 मरीज शामिल है।
बता दन कि राज्य म कोरोना (Corona) संक्रमित मन के कुल संख्या ह बाढ़ के 39723 हो गे हे। जेमा ले 19781 एक्टिव मामला हे। उहचे 19608 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 334 लोगन मन के मौत हो गे हे।
