Corona : छत्तीसगढ़ म फेर मिलिस कोरोना के 17 नवा मरीज, एक्टिव केस बाढ़ के होइस 861

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। प्रदेश म बुधवार के कोरोना संक्रमित 17 नवा मरीज के पहचाय होय हे। आज जेन कोरोना के नवा मरीज मिले हे, ओमा बलरामपुर ले 10, कोरबा अऊ दुर्ग ले 2-2, बिलासपुर, बेमेतरा अऊ कोरिया ले एक-एक मरीज शामिल हे।

जानकारी के मुताबिक बिलासपुर जिला म पदस्थ नायाब तहसीलदार घलो कोरोना (corona) पाजिटिव मिले हे। एखर ड्यूटी ल बिलासपुर रेलवे स्टेशन म लगाय गे रहिस। प्रवासी मजदूर मन के संपर्क म आय ले संक्रमित होय के आशंका जताय जावत हे। तहसीलदार ल कोविड 19 अस्पताल म भर्ती कराय के प्रक्रिया चलत हे।

बता देन कि छत्तीसगढ़ म कोरोना (corona) संक्रमित मन के संख्या ह 1262 हो गे हे। एक्टिव मरीज मन के संख्या ह बाढ़ के 861 हे। ऊहचे 401 लोगन मन ह स्वस्थ होके अपन घर लहुट चुके हे।