छत्तीसगढ़ म फेर मिलिस कोरोना के 17 नवा मरीज, एम्स ह ट्वीट कर दे हे जानकारी

जय जोहार…. छत्तीसगढ़ म कोरोना संक्रमित मरीज मन के संख्या ह कम होय के नाम नई लेवत हे। शुक्रवार देर शाम कोरोना के 17 नवा मरीज ह मिले हे। सब्बो के टेस्ट ह पाजिटिव आय हे। एखर जानकारी ल एम्स रायपुर ह ट्वीट कर दे हे।

आज जेन नवा 17 मरीज मिले हे, ओमा रायपुर अऊ बलौदाबाजार ले एक-एक, दुर्ग ले 5, बालोद ले चार, राजनांदगांव ले 4 अऊ कबीरधाम जिला ले 2 मरीज शामिल हे। ए 17 मरीज मन के संग शुक्रवार देर शाम तक 107 मरीज ह सामने आ चुके हे। ऊहचे आज 25 मरीज मन ह कोरोना ल मात दे दे हे। जे मन ल अस्पताल ले छुट्‌टी दे दे गिस।

बता देन कि छत्तीसगढ़ म कोरोना ले संक्रमित मरीज मन के संख्या ह 880 हो गे हे। जेमा ले सक्रिय मरीज मन के संख्या ह 647 हे। ऊहचे 231 लोगन मन ह स्वस्थ हो के अपन घर लहुट चुके हे।