Corona: प्रदेश म पिछिले 24 घंटा म सामने आय हे 1718 नवा मरीज, राजधानी म घलो 152 पाजिटिव

जय जोहार…. प्रदेश म पिछिले 24 घंटा म कोरोना (corona) के 1718 नवा मामला दर्ज करे गे हे। उहचे 1372 लोगन मन ल बने होय के बाद अस्पताल ले छुट्टी दे दे गे हे। जबकि ए वायरस ले 5 लोगन मन के मौत हो गे हे।

शुक्रवार के जेन कोरोना (corona) के नवा मरीज मिले हे, ओमा रायगढ़ ले 285, रायपुर अऊ जांजगीर ले 152-152, बिलासपुर ले 117, कोरबा ले 109, दुर्ग ले 62, राजनांदगांव ले 70, बालोद ले 79, बेमेतरा ले 30, कबीरधाम ले 28, बलौदाबाजार ले 67, महासमुंद ले 83, गरियाबंद अऊ मुंगेली ले 25-25, गौरेला-पेंड्रा-मरवाही ले 8, सरगुजा ले 52, कोरिया अऊ बलरामपुर ले 35-35, सूरजपुर ले 15, जशपुर ले 7, बस्तर ले 60, कोंडागांव ले 51, दंतेवाड़ा ले 39, सुकमा ले 52, कांकेर ले 20, नारायणपुर ले 8, बीजापुर ले 15 मरीज शामिल हे।

बता देन कि राज्य म कोरोना (corona) संक्रमण के मामला ह बाढ़ के 1 लाख 85 हजार 306 पहुंच गे हे। जेमा ले 22 हजार 350 एक्टिव मामला हे। उहचे 1 लाख 60 हजार 918 लोगन मन ह कोरोना ल मात दे दे हे, जेखर बाद ओ मन ल अस्पताल से डिस्चार्ज कर दे गे हे। ए वायरस ले प्रदेश म अब तक 2038 लोगन मन के मौत हो चुके हे।