Corona: छत्तीसगढ़ म कोरोना के 173 नवा मरीज के होइस पहचान, राजधानी म सबले जादा 66 पाजिटिव

जय जोहार…. छत्तीसगढ़ म कोरोना (corona) मरीज मन के संख्या ह कम होय के नाम नई लेवत हे। प्रदेश म आज कोरोना के 173 नवा मरीज मिले हे। ऊहचे 164 मरीज मन ह कोरोना ले जंग जीत गे हे, जेखर बाद ओ मन ल अलग-अलग कोविड अस्पताल ले छुट्टी दे दे गे हे।
आज जेन कोरोना (corona) के नवा मरीज मिले हे, ओमा रायपुर ले 66, दंतेवाड़ा ले 27, जांजगीर-चांपा ले 22, राजनांदगांव ले 13, बिलासपुर ले 9, दुर्ग ले 8, बीजापुर अउ जशपुर ले 7-7, सरगुजा ले 4, महासमुंद ले 3, रायगढ़ अउ सुकमा ले 2-2, कांकेर, कोरिया अउ धमतरी ले एक-एक मरीज शामिल हे।
बता देन कि प्रदेश म कोरोना (corona) संक्रमित मरीज मन के कुल संख्या ह 5598 हो गे हे। जेमा ले एक्टिव मामला ह 1626 हे। उहचे 3944 मरीज मन ल बने होय के बाद डिस्चार्ज कर दे गे हे।