Corona: प्रदेश म फेर मिलिस कोरोना के 175 नवा मामला, रायपुर म सबले जादा 93 पाजिटिव

जय जोहार…. छत्तीसगढ़ म कोरोना (corona) संक्रमण के मामला ह कम होय के नाम नई लेवत हे। प्रदेश म आज कोरोना के 175 नवा मरीज मिले हे।

उहचे 285 मरीज मन ल बने होय के बाद डिस्चार्ज कर दे गे हे। जबकि इलाज के दौरान एक मरीज के मौत हो गे हे।

आज जेन कोरोना (corona) के नवा मरीज ह मिले हे, ओमा रायपुर ले 93, राजनांदगांव ले 21, दुर्ग ले 13, कोंडागांव ले 9, बिलासपुर ले 8, जांजगीर-चांपा अउ बलौदाबाजार ले 4-4, कांकेर अउ नारायणपुर ले 3-3, मुंगेली, कोरिया, सूरजपुर, बस्तर अउ दंतेवाड़ा ले 2-2, बेमेतरा, कबीरधाम, गरियाबंद, कोरबा, सरगुजा, बलरामपुर अउ जशपुर ले एक-एक मरीज शामिल हे।

बता देन कि प्रदेश म कोरोना (corona) संक्रमित मरीज मन के कुल संख्या ह 8775 पहुंच गे हे। जेमा ले 2803 एक्टिव मामला हे। उहचे 5921 लोगन मन ह कोरोना ल मात दे दे हे,

जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 51 लोगन मन के मौत हो गे हे।