Corona: छत्तीसगढ़ म बीते 24 घंटा म बाढ़ गे 1753 नवा मामला, राजधानी म घलो 219 पाजिटिव
जय जोहार…. प्रदेश म पिछिले 24 घंटा म कोरोना (Corona) के 1753 नवा मामला के पहचान होय हे। उहचे 1552 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 17 लोगन मन के मौत हो गे हे।
बीते 24 घंटा म जेन कोरोना (Corona) के नवा मरीज मिले हे, ओमा रायपुर ले 219, दुर्ग ले 169, रायगढ़ ले 167, बिलासपुर ले 149, राजनांदगांव ले 136, कोरबा ले 120, बालोद ले 100, बलौदाबाजार ले 79, सरगुजा ले 70, जांजगीर-चांपा ले 60, महासमुंद ले 59, धमतरी ले 53, बेमेतरा ले 48, बलरामपुर ले 47, सूरजपुर ले 40, कबीरधाम ले 39 मरीज शामिल हे।
बता देन कि प्रदेश म कोरोना (Corona) संक्रमित मन के संख्या ह 2 लाख 30 हजार 956 हो गे हे। जेमा ले 23 हजार 957 एक्टिव मामला हे। उहचे 2 लाख 04 हजार 198 लोगन मन ह बने होय के बाद अपन घर लहुट चुके हे। ए वायरस ले प्रदेश म अब तक 2801 लोगन मन के मौत हो गे हे।
