Corona: प्रदेश म बीते 24 घंटा म बाढ़ गे 1758 नवा मामला, राजधानी म घलो 135 पाजिटिव
जय जोहार…. राज्य म बीते 24 घंटा म कोरोना (Corona) के 1758 नवा मरीज मिले हे। उहचे 1592 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 12 लोगन मन के मौत हो गे हे।
शुक्रवार के जेन कोरोना (Corona) के नवा मरीज के पहचान होय हे, ओमा जांजगीर-चांपा ले 188, रायगढ़ ले 171, राजनांदगांव ले 159, कोरबा ले 144, रायपुर ले 135, दुर्ग ले 109, बालोद ले 82, बिलासपुर ले 78, बेमेतरा ले 75, कबीरधाम ले 71, मुंगेली ले 50, कोंडागांव ले 48, कांकेर ले 46, धमतरी ले 21 मरीज शामिल हे।
बता देन कि प्रदेश म कोरोना (Corona) संक्रमित मन के संख्या ह 1 लाख 97 हजार 991 पहुंच गे हे। जेमा ले 23066 एक्टिव मामला हे। उहचे 1 लाख 72 हजार 513 लोगन मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 2412 लोगन मन के मौत हो गे हे।
