Corona: प्रदेश म फेर सामने आय हे कोरोना के 178 नवा मामला, 265 लोगन मन ह जीतिस कोरोना ले जंग

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे।

सोमवार के प्रदेश म कोरोना के 178 नवा मरीज के पहचान होय हे। वहीं 265 मरीज मन ह कोरोना ले जंग जीत गे हे,

जेखर बाद ओ मन ल अलग-अलग कोविड अस्पताल ले डिस्चार्ज कर दे गे हे। जबकि इलाज के दौरान तीन मरीज मन  के मौत हो गे हे।

आज जेन कोरोना (corona) के 178 नवा मरीज मिले हे, ओमा रायपुर ले 66, दुर्ग ले 32, जांजगीर ले 27, जशपुर ले 25, रायगढ़ ले 15, कोरबा ले 4, महासमुंद एवं धमतरी ले 3-3, सूरजपुर ले 2, राजनांदगांव अउ कांकेर ले एक-एक मरीज शामिल हे।

बता देन कि प्रदेश म कोरोना (corona) संक्रमित मरीज मन के कुल संख्या ह 9800 हो गे हे। जेमा ले 2483 एक्टिव मामला हे, जेखर मन के अलग-अलग कोविड अस्पताल म इलाज चलत हे।