जय जोहार…. जांजगीर-चांपा जिला के डभरा ब्लाक के ग्राम कांसा के क्वारेंटाइन सेंटर म कोरोना (corona) के 18 नवा संक्रमित मन के पहचान होय हे। जेमा 16 लड़की शामिल हे, जेन चेन्नई म काम करे ल गे रिहिस।
जानकारी के अनुसार लॉकडाउन के सती उद्योग बन्द होय ले ए लड़की मन ह बस ले ग्राम कांसा पहुंचे रिहिस। ऐहतियान सब्बो ल क्वारेंटाइन करे गे रिहिस।
जे मन ल प्रशासन के तरफ ले कांसा के अल्फान्स इंग्लिश मीडियम स्कूल म ठहराय गे रिहिस। स्वास्थ्य विभाग के तरफ ले पहले छह लड़की के ब्लड सैम्पल ले के कोरोना (corona) जांच बर भेजे गे रिहिस, जेमा ले चार लड़की मन के रिपोर्ट ह पाजिटिव आय रिहिस।
एखर बाद पांच जुलाई के सब्बो 38 लोगन मन के ब्लड सैंपल ल जांच बर लेब भेजे गिस, जेखर रिपोर्ट ह सात जुलाई के आय हे। जेमा ले 18 लड़की मन के सैंपल ह पाजिटिव आय हे।
सब्बो कोरोना (corona) संक्रमित मरीज मन ल कोविड सेन्टर जांजगीर इलाज बर भेजे गे हे।
