Corona: प्रदेश म बीते 24 घंटा म बाढ़ गे 1829 नवा मरीज, राजधानी म घलो 220 पाजिटिव

जय जोहार…. प्रदेश म पिछिले 24 घंटा म कोरोना (corona) के 1829 नवा मरीज के पहचान होय हे। उहचे 827 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 15 लोगन मन के मौत हो गे हे।

प्रदेश म बीते 24 घंटा म जेन कोरोना (corona) के नवा मरीज मिले हे, ओमा रायपुर ले 220, कोरबा ले 153, रायगढ़ ले 167, जांजगीर-चांपा ले 149, राजनांदगांव ले 155, बिलासपुर ले 119, बालोद ले 98, सरगुजा ले 43, दुर्ग ले 130, महासमुंद ले 92, बलौदाबाजार ले 93 मरीज शामिल हे।

बता देन कि प्रदेश म कोरोना (Corona) संक्रमित मरीज मन के संख्या ह 2 लाख 27 हजार 326 पहुंच गे हे। जेमा ले 22 हजार 815 एक्टिव मामला हे। उहचे 201744 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 2767 लोगन मन के मौत हो गे हे।