जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। देश म कोरोना के कुल मामले ह पांच लाख ले जियादा हा गे हे।
पिछिले 24 घंटा म कोरोना के सबले जियादा 18552 नवा मामले के पहचान होय हे। जबकि ए वायरस ले 384 लोगन मन के जान चले गे हे। ऊहचे ए अवधि म 10244 मरीज ह कोरोना ल मात दे दे हे।
केन्द्रीय परिवार अउ स्वास्थ्य मंत्रालय के आकड़ा के मुताबिक देश म कुल कोरोना (corona) केस ह पांच लाख आठ हजार 953 हो गे हे।
ए वायरस ले अब तक 15685 लोगन मन के जान चले गे हे। जबकि देश म कोरोना के सक्रिय मामले के संख्या ह एक लाख 97 हजार 383 हो गे हे।
ऊहचे दू लाख 95 हजार 881 लोगन मन ह कोरोना ल मात दे दे हे अउ अपन घर लहुट चुके हे।
कोरोना ले सबले जियादा प्रभावित महाराष्ट्र म पिछिले 24 घंटा म कोरोना (corona) के 5024 नवा मामले सामने आय हे। जबकि 175 लोगन मन के जान चले गे हे।
ए प्रदेश म कोरोना संक्रमित मन के संख्या ह बाढ़ के एक लाख 52 हजार 765 पहुंच गे हे। जबकि 7106 लोगन मन के मौत हो गे हे। ऊहचे 79815 लोग ह ए संक्रमण ले ठीक हो गे हे।
Other Articles
No Comment! Be the first one.