Corona: प्रदेश म बीते 24 घंटा म सामने आय हे कोरोना के 186 नवा मामला, रायपुर म घलो 43 पाजिटिव

जय जोहार…. (Corona) प्रदेश म बीते 24 घंटा म कोरोना के 186 नवा मरीज मिले हे। उहचे 210 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 6 संक्रमित के मौत हो गे हे।

पिछिले 24 घंटा म कोरोना (Corona) के जेन नवा मरीज मिले हे, ओमा दुर्ग ले 53, रायपुर ले 43, बिलासपुर ले 17, रायगढ़ ले 13, सरगुजा अऊ महासमुंद ले 8-8, राजनांदगांव ले 6, बलौदाबाजार, गरियाबंद अऊ सूरजपुर ले 5-5, जांजगीर-चांपा ले 4, कांकेर अऊ कोरबा ले 3-3, बालोद, कबीरधाम, धमतरी, कोरिया अऊ जशपुर ले 2-2 मरीज सामिल हे।

बता देन कि प्रदेश म कोरोना (Corona) संक्रमण के मामला ह 3 लाख 07 हजार 525 हो गे हे। जेमा ले 4290 एक्टिव मामला हे। उहचे 2 लाख 99 हजार 494 लोगन मन ह बने होय के बाद अस्पताल ले अपन घर लहुट चुके हे। ए वायरस ले प्रदेश म अब तक 3741 लोगन मन के मौत हो गे हे।