Corona: प्रदेश म बीते 24 घंटा म सामने आय हे 1879 नवा मामला, राजधानी म घलो 226 पाजिटिव

जय जोहार…. (Corona) छत्तीसगढ़ म बीते 24 घंटा म कोरोना के 1879 नवा मामला सामने आय हे। उहचे 2090 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 8 लोगन मन के मौत हो गे हे।

शुक्रवार के जेन कोरोना (Corona) के नवा मरीज मिले हे, ओमा रायपुर ले 226, कोरबा ले 174, रायगढ़ ले 165, बिलासपुर ले 148, दुर्ग ले 142, राजनांदगांव ले 139, जांजगीर-चांपा ले 111, बालोद ले 106, सरगुजा ले 89, महासमुंद ले 77, बलौदाबाजार ले 76, धमतरी ले 50, बेमेतरा ले 37 मरीज शामिल हे।

बता देन कि प्रदेश म कोरोना (Corona) संक्रमित मन के संख्या ह 2 लाख 32 हजार 835 हो गे हे। जेमा ले 21 हजार 839 एक्टिव मामला हे। उहचे 2 लाख 08 हजार 183 लोगन मन ल स्वस्थ होय के बाद अस्पताल ले छुट्‌टी दे दे गे हे। ए वायरस ले प्रदेश म अब तक 2813 लोगन मन के मौत हो गे हे।