corona: प्रदेस म आज सामने आय हे कोरोना के 188 नवा मामला, पढ़व
जय जोहार…. (corona) छत्तीसगढ़ म आज कोरोना के 188 नवा मामला हे। उहें 263 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 3 मरीज के मउत हो गे हे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 7, राजनांदगांव ले 1, बालोद ले 5, कबीरधाम ले 5, रईपुर ले 15, धमतरी ले 5, बलौदाबाजार ले 4, महासमुंद ले 2, गरियाबंद ले 6, बिलासपुर ले 9, रायगढ़ ले 9, कोरबा ले 7, जांजगीर-चांपा ले 7, सरगुजा ले 12, कोरिया ले 6, सूरजपुर ले 2, बलरामपुर ले 2, जशपुर ले 15, बस्तर ले 17, कोंडागांव ले 2, दंतेवाड़ा ले 7, सुकमा ले 24, कांकेर ले 1, नारायणपुर ले 1, बीजापुर ले 18 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 9 लाख 97 हजार 973 हो गे हे, जेमा ले 4 हजार 784 एक्टिव मामला हे। उहें 9 लाख 79 हजार 711 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13478 मरीज के जान चले गे हे।
