Cm भूपेश बघेल ह 20 अगस्त के देही सौगात, 19 लाख किसान मन ल मिलही न्याय योजना के दूसर किस्त
जय जोहार… सीएम (cm) भूपेश बघेल ह पूर्व प्रधानमंत्री राजीव गांधी के जयंती म अपन निवास कार्यालय म वीडियो कांफ्रेसिंग ले आयोजित कार्यक्रम म राजीव गांधी किसान न्याय योजना के तहत प्रदेश के 19 लाख किसान मन 1500 करोड़ के दूसर किस्त के राशि ल आनलाइन अंतरण करही।
ए दौरान सीएम (cm) बघेल ह तेंदूपत्ता संग्राहक मन ल वर्ष 2018 के प्रोत्साहन पारिश्रमिक के रूप म 232.81 करोड़ के राशि ल ओखर खाता म अंतरित करही। संगेसंग गोधन न्याय योजना के तहत गोबर विक्रेता मन ल दूसर पखवाड़ा म बेचे गे गोबर राशि के अंतरण घलो करही।
प्रदेश सरकार के राजीव गांधी किसान न्याय योजना के तहत राज्य के 19 लाख किसान मन ल 5750 करोड़ रूपिया के अनुदान सहयता राशि ल दे जावत हे। जेमा ले प्रथम किस्त के रूप म 1500 करोड़ रूपिया राजीव गांधी के शहादत दिवस 21 मई के प्रदान करे गे रिहिस।
ए योजना के दूसर किस्त के रूप म 1500 करोड़ के राशि ल 20 अगस्त के प्रदान करे जावत हे। (cm) राज्य सरकार के तरफ ले गोधन न्याय योजना के तहत दो रूपिया किलो के दर ले गोबर के खरीदी करे जावत हे।
एखर तहत दू अगस्त ले 15 अगस्त तक खरीदे गे गोबर के राशि घलो विक्रेता मन ल ओखर खाता म अंतरित करे जाही। ए अवसर म राज्य के 114 विकासखंड के तहत तेंदूपत्ता संग्रहण वर्ष 2018 के सीजन म 728 समिति के 11 लाख 46 हजार 626 तेंदूपत्ता संग्राहक मन ल 232 करोड़ 81 लाख रुपिया के प्रोत्साहन पारिश्रामिक राशि के घलो वितरण करे जाही।
