Corona: अम्बिकापुर जिला म कोरोना के मिलिस 19 नवा मरीज

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। प्रदेश के अम्बिकापुर जिला म आज कोरोना के 19 नवा मरीज मन के पहचान होय हे।
सबो मरीज ह एक-दूसर के संपर्क म आय ले संक्रमित होय हे। एमा एक मेडिकल कालेज अस्पताल के नर्स घलो शामिल हे। बता देन कि जिला म कोरोना (corona) के 21 नवा मामला सामने आय हे।
गौरतलब हे कि छत्तीसगढ़ म बीते सनिच्चर के कोरोना के 243 नवा मामला ह सामने आय रिहिस। एखर संग प्रदेश म कोरोना के कुल संक्रमित मरीज मन के संख्या ह 5246 पहुंच गे हे।
जेमा ले 1564 सक्रिय मामला हे। ऊहचे 3658 मरीज मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 24 लोगन मन के मौत हो गे हे।