जय जोहार…. बिलासपुर (bilaspur) जिला में मंगलवार के कोरोना के 19 नवा मरीज मन क पहचान होय हे। एमा सबले जादा बिलासपुर शहर ले 13 मरीज हे। उहचे शहर ले कोरोना संक्रमित मरीज के संपर्क म आये तीन महिला मरीज ह घलो मिले हे।
जिला अउ स्वास्थ्य अधिकारी कार्यालय के अनुसार मंगलवार के (bilaspur) जिला के कोटा, मस्तुरी, बिल्हा ब्लाक समेत बिलासपुर शहर ले कुल 19 कोरोना पाजिटिव मरीज मिले हे।
रिपोर्ट के अनुसार 19 म ले 2 के रिपोर्ट ह ट्रेवलिंग पाजिटिव हे। दुनो मरीज ह बिलासपुर के रहवइया हे। कुछ दिन पहिले विजयवाड़ा ले लहुटे रिहिस। रिपोर्ट म मस्तुरी ब्लाक के दू मरीज संक्रमित हे।
एखर आलावा बिल्हा ले एक अउ कोटा ब्लाक ले तीन लोगन मन के रिपोर्ट ह पाजिटिव मिले हे। बिलासपुर शहर म अलग-अलग क्षेत्र ले 13 मरीज ह मिले हे।
बिलासपुर (bilaspur) जिला म अब तक कोरोना के कुल संक्रमित मरीज मन के संख्या ह 472 हो गे हे। जेमा ले एक्टिव मामला ह 179 हे। उहचे 290 मरीज मन ह बने होय के बाद अपन घर लहुट चुके हे।
