corona: प्रदेश म सामने आय हे कोरोना के रिकॉर्ड 1916 नवा मरीज, राजधानी म घलो 674 पाजिटिव

जय जोहार…. प्रदेश म कोरोना (corona) संक्रमित मन के संख्या ह सरलघा बाढ़त जावत हे। प्रदेश म आज कोरोना के रिकॉर्ड 1916 नवा मरीज मन के पहचान होय हे।

उहचे 653 लोगन मन ल स्वस्थ होय के बाद अस्पताल ले छुट्टी दे दे गे हे। जबकि इलाज के दौरान 12 लोगन मन के मौत हो गे हे।

आज जेन कोरोना (corona) के नवा मरीज मिले हे, ओमा रायपुर ले 674, दुर्ग ले 209, बिलासपुर ले 194, रायगढ़ ले 138, राजनांदगांव ले 96, महासमुंद ले 80, बालोद ले 66, धमतरी ले 56, जांजगीर-चांपा ले 51, बलौदाबाजार ले 40, कोरबा ले 38, बीजापुर ले 35, बस्तर ले 29, सरगुजा ले 27, मुंगेली अऊ जशपुर ले 21-21, सुकमा ले 17, गरियाबंद, कोण्डागांव, दंतेवाड़ा अऊ नारायणपुर ले 16-16, कोरिया ले 15, बेमेतरा ले 12, कबीरधाम ले 10, बलरामपुर अऊ कांकेर ले 7-7, सूरजपुर ले 5 अऊ आन राज्य ले 4 मरीज शामिल हे।

बता दन कि प्रदेश म कोरोना (corona) संक्रमित मरीज मन के कुल संख्या ह बाढ़ के 35330 पहुंच गे हे। जेमा ले 16811 एक्टिव मामला हे। उहचे 18220 लोगन मन ह बने होय के बाद अपन घर लहुट चुके हे। ए वायरस ले प्रदेश म अब तक 299 लोगन मन के मौत हो गे हे।