Corona: छत्तीसगढ़ म फेर मिलिस कोरोना के 197 नवा मामला, राजधानी म सबले जादा 57 पाजिटिव

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। राज्य म आज कोरोना संक्रमित 197 नवा मरीज ह मिले हे। उहचे 127 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

आज जेन कोरोना (corona) के नवा मरीज मिले हे, ओमा रायपुर ले 57, बिलासपुर ले 32, राजनांदगांव ले 23, दुर्ग ले 17, कबीरधाम ले 16, सरगुजा ले 14, जांजगीर-चांपा ले 12, बेमेतरा ले 9, जशपुर ले 5, कोरबा ले 4, रायगढ़ अउ बलौदाबाजार ले 3-3, बलरामपुर ले 1 मरीज शामिल हे। सब्बो नवा मरीज ल अस्पताल म भर्ती करे के प्रक्रिया ह जारी हे।

बता देन कि प्रदेश म कोरोना (corona) संक्रमित मरीज मन के कुल संख्या ह 4725 पहुंच गे हे। जेमा ले एक्टिव मरीज मन के संख्या ह 1282 हो गे हे। ऊहचे 3451 मरीज ह बने होय के बाद अपन घर लहुट चुके हे। ए वायरस ले अब तक प्रदेश म 21 लोगन मन के मौत हो गे हे।