Corona : देश म बीते 24 घंटा म मिले हे 2.22 लाख नवा मामला, पढ़व पूरा खबर

जय जोहार…. देश म बीते 24 घंटा म कोरोना (Corona) के 2.22 लाख ले जादा नवा मरीज मिले हे। उहचे 3 लाख 02 हजार 544 मरीज ल बने होय के बाद अस्पताल ले छुट्टी दे दे गे हे। जबकि उपचार के दौरान 4454 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछले 24 घंटा म कोरोना (Corona) के 2 लाख 22 हजार 315 नवा मरीज मिले हे। एला मिला के देश म कोरोना संक्रमित मन के संख्या ह 2 करोड़ 67 लाख 52 हजार 447 हो गे हे। जेमा ले 27 लाख 20 हजार 716 एक्टिव मामला हे।

उहचे 2 करोड़ 37 लाख 28 हजार 11 मरीज ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 3 लाख 03 हजार 720 संक्रमित के जान चले गे हे।