रायपुर। परदेस के ढाई लाख अधिकारी-कर्मचारी मन पीछु चुनाव म भाजपा द्वारा करे गे घोषणा ल पूरा करे के मांग ल लेके 15 मई के हड़ताल करही। ये फइसला छत्तीसगढ़ कर्मचारी अधिकारी संघ के बइठक म ले गिस हे। मान्यता प्राप्त संगठन मन अउ शासन के मद ले वेतन पावइया सबो संस्था मन के कर्मचारी संगठन, विधान सभा चुनाव 2013 के घोषणा पत्र म करे गे वाद मन ल पूरा करे बर 15 मई के जिला, तहसील मुख्यालय म परदरशन करहे अउ 12 जून के एक दिवसीय हड़ताल करही। येखर बाद भी शासन ह चुनावी वायद मन ल पूरा नइ करही तो जुलाई म अनिश्चित कालीन हड़ताल करके निरणय ले गेहे।
