जय जोहार…. राज्य (chhattisgarh) सरकार के तरफ ले प्रदेश के 3 जिला म जल जीवन मिशन के अंतर्गत सोलर ड्यूल पंप आधारित चार नलजल प्रदाय योजना बर 2 करोड़ 54 लाख 97 हजार रूपिया के प्रशासकीय स्वीकृति प्रदान करे गे हे। लोक स्वास्थ्य यांत्रिकी विभाग मंत्रालय के तरफ ले ए आशय के आदेश प्रमुख अभियंता रायपुर ले जारी कर दे गे हे।
लोक स्वास्थ्य यांत्रिकी विभाग ले प्राप्त जानकारी के मुताबिक (chhattisgarh) रायपुर जिला के धरसींवा विकासखंड के अंतर्गत ग्राम भेरवा म सोलर पंप आधारित नल-जल योजना के स्थापना बर 54 लाख 55 हजार रूपिया अऊ तिल्दा विकासखंड के ग्राम मोहदी बर 53 लाख 91 हजार रूपिया के प्रशासकीय स्वीकृत प्रदान करे गे हे।
अइसने (chhattisgarh) जांजगीर-चांपा जिला के जैजेपुर विकासखंड के ग्राम बावनगढ़ी बर 72 लाख 19 हजार रूपिया अऊ सक्ती विकासखंड के ग्राम सरजुनी म नल जल प्रदाय योजना बर 73 लाख 32 हजार रूपिया के प्रशासकीय स्वीकृत जारी करे गे हे।
