corona: धमतरी जिला के भखारा क्षेत्र म मिले हे 2 कोरोना पाजिटिव, पढो पूरा खबर

जय जोहार…. धमतरी जिला म कोरोना (corona) संक्रमित मरीज मन के संख्या ह कम होय के नाम नई लेवत हे। ए जिला के भखारा क्षेत्र म आज कोरोना के 2 नवा मरीज के पहचान होय हे। एखर पुष्टि ल खंड चिकित्सा अधिकारी डॉ यूएस नवरत्न ह करे हे।

मिले जानकारी के मुताबिक भखारा के सामुदायिक स्वास्थ्य केंद्र म गुरुवार के 15 लोगन मन के कोरोना (corona) जांच करे गे हे, जेमा ले तीन लोगन मन के कोरोना जांच रिपोर्ट ह पाजिटिव आय हे।

एमा नगर पंचायत भखारा वार्ड क्रमांक 5 के रहवइया एक व्यक्ति हे, जेखर कुछु दिन पहिले कोरोना जांच रिपोर्ट ह पाजिटिव आय रिहिस। आज ओ हा फेर दुबारा कोरोना जांच करवाईस, जेमा ओखर रिपोर्ट ह पाजिटिव आय हे।

उहचे भखारा क्षेत्र के ग्राम भेंडरवानी म दू लोगन मन के कोरोना (corona) जांच रिपोर्ट ह पाजिटिव आय हे। जेमा ले एक ह गुजरा सामुदायिक स्वास्थ्य केंद्र म अपन कोरोना जांच करवाय रिहिस।