corona : देस म पिछले 24 घंटा म सामने आय हे कोरोना के 2 लाख 09 हजार नवा मामला, पढ़व

जय जोहार…. देस म कोरोना के नवा मामला सरलग बाढ़त जात है। देस म पिछले 24 घंटा म कोरोना (corona ) के 2 लाख 09 हजार ले जादा नवा मरीज सामने आय हे। उहें 2 लाख 61 हजार मरीज ल बने होय के बाद अस्पताल ले छुट्टी दे दे गेहे। जबकि उपचार के दउरान 956 मरीज के मउत हो गेहे।

केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घटा म कोरोना (corona ) के 2 लाख 09 हजार ले जादा नवा मामला मिले हे। एला मिलाके देस म कोरोना मरीज मन के संख्या ह 4 करोड़ 13 लाख हो गेहे। जेमा ले 18 लाख 25 हजार ले जादा एक्टिव मामला हे।

उहें 3 करोड़ 89 लाख मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 4 लाख 95 हजार के मउत हो गेहे।