corona : देस म बीते 24 घंटा म मिले हे कोरोना के 2 लाख 68 हजार ले जादा नवा मामला, 402 मरीज के होगे मउत

जय जोहार…. देस म कोरोना के नवा मामला सरलग बाढ़त जात है। देस म पिछले 24 घंटा म कोरोना (corona ) के 2 लाख 68 हजार नवा मरीज सामने आय हे। उहें 122684 मरीज ल बने होय के बाद अस्पताल ले छुट्टी दे दे गेहे। जबकि उपचार के दउरान 402 मरीज के मउत हो गेहे।

केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घटा म कोरोना (corona ) के 2 लाख 68 हजार 833 केस मिले हे। एला मिलाके देस म कोरोना मरीज मन के संख्या ह 3 करोड़ 68 लाख 50 हजार 962 हो गेहे। जेमा ले 11 लाख 10 हजार ले जादा एक्टिव मामला हे।

उहें 3 करोड़ 49 लाख 47 हजार 390 मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 4 लाख 85 हजार 792 मरीज के मउत हो गेहे।