corona : देस म 24 घंटा म सामने आय हे कोरोना के 2 लाख 86 हजार ले जादा नवा मामला, 573 मरीज के होगे मउत

जय जोहार…. देस म कोरोना के नवा मामला सरलग बाढ़त जात है। देस म पिछले 24 घंटा म कोरोना (corona ) के 2 लाख 86 हजार ले जादा नवा मरीज सामने आय हे। उहें 3 लाख 06 हजार मरीज ल बने होय के बाद अस्पताल ले छुट्टी दे दे गेहे। जबकि उपचार के दउरान 573 मरीज के मउत हो गेहे।

केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घटा म कोरोना (corona ) के 2 लाख 86 हजार 384 केस मिले हे। एला मिलाके देस म कोरोना मरीज मन के संख्या ह 4 करोड़ 03 लाख 71 हजार 317 ले जादा हो गेहे। जेमा ले 22 लाख 02 हजार ले जादा एक्टिव मामला हे।

उहें 3 करोड़ 76 लाख 65 हजार 980 मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 4 लाख 91 हजार 701 मरीज के मउत हो गेहे।